Áttu flík sem:
- Passar þér ekki lengur en þig langar að nota?
- Þú hefur keypt en lítið sem ekkert notað?
- Þig langar að „poppa upp“?
Í vinnusmiðju förum við saman í hugmyndaflæði varðandi hverja einustu flík. Við hjálpumst að við að finna skemmtilegar lausnir á breytingum fatanna og förum í gegnum ferlið „hugmyndaflæði – flokkun – greining – val – framkvæmd“
Þegar besta hugmyndin hefur verið mótuð, breytir þú flíkinni í einstaka „nýja, notaða flík“ sem enginn annar en þú átt. Markmiðið er að þátttakendur virki sitt eigið hugmyndaflæði og sjáflstraust til að halda áfram að endurnýta og breyta flíkum í fataskápnum í stað þess að henda.
Vinnusmiðjan er í eitt skipti í senn og stendur yfir í 4klst. Gert er ráð fyrir að þátttakendur ljúki sínu verki á þessum tíma. Í framhaldi af Vinnusmiðjunni er öllum þátttakendum boðið í lokaðan hóp á Facebook þar sem áfram er haldið með stuðning og ráðgjöf í endurnýtingu efna og fatabreytingum. Fjöldi á vinnusmiðjuna er hámark 8 manns. Dagsetning og tími er í samráði við þátttakendur/skipuleggjendur.
Þú kemur með saumavél, skæri og 1-2 flíkur sem þú vilt breyta. Ef þú átt efni, endilega taktu þau með þér.
Innifalið í verði:
- Leiðbeiningar, utanumhald og ráðgjöf
- Efni fyrir breytingar
- Tvinni og ýmislegt smotterí
- Samfélag á Facebook í lokuðum hópi
Hægt er að bóka vinnusmiðjur út á land og ég hlakka mikið til að fara á flakk 🙂
Ef þú vilt bóka hjá mér vinnusmiðju fyrir þig og fleiri, hafðu þá samband á netfangið mitt, saumahornsiggu@gmail.com eða í síma 8467915
Hér eru nokkur sýnishorn af fatabreytingum
Saumahorn Siggu 